Datorren domekako irteerak, hau da abuztuak 6koak, Anbotoko harkaitzetara eramango gaitu.
Ibilbide hau Urkiolako Santutegiaren atzean dagoen aparkalekutik abiatzen da, Asuntzeko zelaietara eta Pagozelaiko lepora igotzeko, Zabalandira iritsi arte. Handik, Anbotoko igoera (1310) hasiko da, bidezidor klasikotik jaisteko.
Anbotora igo nahi ez dutenek joaneko partidaren pista beretik itzul daitezke.
Azken urteotan klasiko bat bihurtu dan bezala, datorren eguztenean uztailaren 31an, Amabirjina lagunduten Arrietatik Doniene Gaztelugatxera joango gara.
Datorren domekan, hau da uztailak 28an, Euskal Herriko paraje naturalik ederrenetakoaz gozatzea tokatzen da: Itxinako biotopoa.
Urigoitiko aparkalekutik abiatu eta Egalesaburuko zelaitik bidezidor bat hartuko dugu Atxularren begira iritsi arte. Irteera honetan Itxulegor eta Superlegor kobazuloak, Neberabarriko elurzuloa eta Sintxita eta Aldabide ur-jauziak bisitatuko ditugu.
Ibilbidearen luzera 15 km inguru da, 871 m-ko desnibelarekin, 5 orduko denboran egiteko.
Ibilbide honen zailtasun teknikoa moderatua da.
Hurrengo Estekan deskarga daitekeen trackari jarraituko zaio.
Datorren uztailaren 25ean, Urmugak antolatuta, Urtanta izeneko ekitaldi handi bat ospatuko da. Mendia eta musika batzen dituen ekitaldia da, eta aurten, gainera, duela 100 urte jaiotako Nestor Basterretxea gogoratzeko balioko du.
Uztailaren 25eko Urtanta ekitaldia Jatako Arrastakulo merenderoan egingo da, arratsaldeko 6etan hasiko den musika kontzertuan. Honako artista hauek parte hartuko dute: Et Incarnatus Orkestra – Anje Duhalde – Eñaut Elorrieta – Idoia Asurmendi – Olaia Intziarte – Xabier Leturia.
Kontzertura mendiko ibilbideei jarraituz bakarrik iritsi ahal izango da.
Ekitaldi honetan Talluk modu aktiboan parte hartuko du:
Itzulera gaueko 10: 00etan izango da, Jata-Bakioko begiratokian jasoko den autobus batean.
Autobusetan Jata-Bakioko begiratokiraino Talluk irteera bi ere antolatu ditu, honako aukera hauekin:
Jata-Bakioko begiratokiko aparkalekuaren inguruan aparkatzeko aukera oso txikia izango da eta gainera Ertzaintzak arautuko du.
Mungiatik eta Mungialdetik edozein modutan hurbiltzeko ekitaldi honetara, erantsitako dokumentua bete behar da eta, ondoren, Tallura bidali, email edo Whastapp bidez, gehienez ere uztailaren 22an.
Uztaileko lehen igandeko irteerak Mungiako Sukalki Egunarekin bat egiten du.
Egun horretarako, klubak Tallura irteera bat aurreikusi du. Ondoren, interesdunen arabera, klubeko kide talde bat Bakioko Goitisolo merenderoan paella bat egitea planteatzen ari da.
Interesatuta bazaude, mesedez, adierazi zure izena Talluren emailera.
